Чишмэ
+26 °С
Болытлы
75 лет Победы
Барлык яңалыклар
Җәмгыять
29 июль , 11:06

Электричка көн саен йөри

Бүген, 29 июльдә, Уфа белән Раевка арасында тагын бер уңайлы электричка йөри башлады.

Электричка көн саен йөри
Электричка көн саен йөри

«Башкортстан шәһәр яны пассажирлар компаниясе» республика Хөкүмәте һәм Куйбышев тимер юлы белән берлектә, халыкның ихтыяҗы зур булу сәбәпле, биш вагонлы «Ласточка» электричкасын җибәрергә карар итте. Ул әлеге юнәлештә көн саен йөриячәк (элек поезд Башкортстан башкаласы белән өлкә торак пункты арасында ял һәм бәйрәм көннәрендә генә йөргән). Юлга киткән вакыт нибары 100 минут тәшкил итәчәк. Дим, Чишмә-1 (юлга киткән вакыт нибары 50 минут тәшкил итәчәк), Шөнгәккүл (бер сәгать тә җиде минут) һәм Дәүләкән станцияләрендә тукталышлар каралган. Уфа – Чишмә маршруты буенча «Ласточка»га билет бәясе 103 сум тәшкил итә, өстәвенә федераль һәм төбәк ташламалары да гамәлдә. Электричка расписаниесен һәм бәяләрен «РЖД пассажирам» мобиль кушымтасында табарга мөмкин. Исегезгә төшерәбез, «Ласточка» – заманча күчмә состав, аның һәр вагоны климат җайланмасы белән җиһазландырылган, бәдрәфләр бар. Вагоннардагы һава ультрашәмәхә лампалар ярдәмендә зарарсызландырыла, мобиль җайланмалар өчен розеткалар, зур габаритлы багаж урнаштыру өчен махсус мәйданчыклар бар.

«Ласточка» – мөмкинлекләре чикләнгән кешеләр өчен дә уңайлы электричка – анда махсус урыннар һәм аларны утырту һәм төшерү өчен күтәрткеч җайланмалар бар.

Фото: Радий Хәбировның социаль челтәреннән алынган фото

Электричка көн саен йөри
Электричка көн саен йөри
Автор:Гузяль Ибраева
Читайте нас в